Russisk hóttan: Føroyingar skulu eisini vera á varðhaldi

Føroyingar skulu eins og aðrir evropearar verða árvaknir, nú russar royna at vinna sær svíkjarar, at renna ørindir fyri Rusland, tilvitað og ótilvitað.

Russar kunnu vera áhugaðir í at fáa meira vitan um NATO-skip í føroyskum sjógvi, sigur Tór Marni Weihe, serkønur í russiskum viðurskiftum. Hann heldur kortini ikki, at russiska hóttanin móti Føroyum er størri, enn hon hevur verið. 

Tór Marni Weihe

Flemming Splidsboel, hernaðarserfrøðingur og granskari í altjóðamálum, heldur at føroyingar eiga eisini at vera á varðhaldi. Onkur kann vera freistaður av politiskum ávum ella av peningi, og letur seg lokka á sosialum miðlum. 

Evnið var viðgjørt í Breddanum fyrrapartin. 

Hoyr innslag í útvarpstíðindunum: 

Allur Breddin kann hoyrast her.