-Eg eri framvegis sera góður við Varðan

Tað kom óvart á tey flestu, tá stjórin í stóra samtakinum Varðin brádliga fór úr starvi í gjár. 

Les eisini: Bogi Jacobsen farin frá

Kunningin frá Varðanum var sera stutt. Á heimasíðu felagsins stóð bara at "Bogi Jacobsen og nevndin í P/F Varðin eru komin ásamt um, at Bogi Jacobsen fer frá sum stjóri í felagnum."

Bogi Jacobsen er næstan bókstaviliga føddur inn í Varðin'samtakið. Hann er sonur Jákup Jacobsen í Syðrugøtu, eisini nevndur "Dunga Jákup", sum sjálvurannar var við til at stovna reiðaríið Varðan, saman við Tummasi Thomsen, afturi í 1985. Hann sigldi við skipunum hjá reiðarínum í nógv ár, til hann fyri umleið 15 árum síðani skuldi standa á odda fyri uppsjóvarvirkinum Varðin Pelagic, sum tá bleiv bygt á Tvøroyri. Í 2020 tók hann við eftir pápa sín sum stóri í øllum Varðin-samtakinum. 

Við 2,1 milliard í eginpeningi er Varðin millum størstu fyritøkur í landinum. Samtakið eigur fleiri uppsjóvarskip, fleiri skip í botnfiskaflotanum, uppsjóvarvirki á Tvøroyri og nógv annað virksemi í fleiri vinnugreinum á landi. 

Hoyr samrøðu við Boga Jacobsen her: