Borgarstjórin: Farmaleið fær stóran týdning fyri vinnulívið og Vág

Vágur fær nú nýggja farmaleið beinleiðis til Scrabster í Skotlandi við skipum hjá Samskipi. 

Í høvuðsheitum er tað laksur frá Bakkafrosti, sum verður fluttur til Skotlands.

Bjarni Johansen

Ætlanin er at sigla tvær ferðir um vikuna úr Runavík til Vágs, áðrenn kósin verður sett móti Scrabster.

- At farmurin fer beinleiðis hevur stóran týdning, sigur Bjarni Johansen, borgarstjóri.

Hann vísir á, at nú ber til hjá virkinum hjá Bakkafrosti í Vági at virka laksan longur, áðrenn hann verður avskipaður, tí nú skal hann ikki norður um fjørð við Smyrli. 

Hoyr innslag í útvarpstíðindunum: 

Fyri umleið 15 árum síðani var eisini ein ruta, sum sigldi úr Runavík til Vágs og  haðani til Skotlands. Hon vardi í eitt til tvey ár.