Limagjald til fakfelag kann dragast frá í skatti

Tey, sum gjalda fakfelagi limagjald, eiga at kunna draga tað frá í skattinum.

Frádráttur skal latast fyri í mesta lagi 2.000 kr í fakfelagsgjaldi í 2027 og 4.000 kr. frá 2028.

Tað er ein av fleiri broytingum í skattalógini, sum landsstýrismaðurin í fíggjarmálum legði fram í gjár.

Ein onnur broyting er at steðga stigvísu minkingini í uttanlandsfrádráttinum.

Samdøgursfrádrátturin skal hækka. Hann skal úr 120 krónum upp í 210 krónur.

Og loyvt verður at taka pengar fyri lønarflytingar í lønarportalinum fyri at fíggja rakstur og menning hansara.

Hetta bera peningastovnarnir nú.

Men tað skulu arbeiðsgevararnir gera, sambært lógaruppskotinum.