Sparing rakar ikki arbeiðið at styrkja um PISA-úrslitið

Føroyskir næmingar eru farnir munandi aftur í lesing, samstundis sum Nám og Undirvísingarstýrið skulu spara tríggjar milliónir krónur næsta ár.

Hjalmar Hansen, stjóri í Undirvísingarstýrinum, sigur, at sparingin fer ikki at raka arbeiðið við at styrkja lesiførleikan og betra PISA-úrslitið

Frá 1. januar verða Nám og Undirvísingarstýrið løgd saman, og í fíggjarlógaruppskotinum stendur, at samanlagdi stovnurin skal spara tríggjar milliónir krónur í 2027.

Men hóast samanlagdu stovnarnir skulu spara tríggjar milliónir krónur, so væntar Hjalmar Hansen - sum skal standa á odda fyri samanleggingini - at tað fer ikki at merkjast í arbeiðinum við at styrkja lesiførleikan hjá næmingunum og betra PISA-úrslitið næstu ferð.

Hoyr innslag í útvarpstíðindunum