Norrøna siglir tveir túrar um dagin

Norrøna fer at sigla tveir túrar um dagin millum Vág og Havnina tær tríggjar vikurnar, hon er avloysaraskip fyri Smyril.

Strandferðslan hevur kunngjørt ferðaætlanina hjá Norrønu, sum kemur í gildi 21. januar, t.e. týsdagin. 

Mánadag til fríggjadag fer Norrøna fyrsta túrin av Vági klokkan sjey til Havnar. Mánadag og hósdag verður siglt av Havnini á Vág klokkan 10, og týsdag, mikudag og fríggjadag verður siglt av Havnini klokkan 13.

Mánadag til fríggjadag verður siglt norðuraftur klokkan 16, og seinasti túrurin av Havnini mánadag til fríggjadag verður klokkan 19.

Hálvur triði tími

Leygardag og sunnudag er fyrsti túrur av Vági klokkan hálvgum níggju. Siglt verður av Havnini klokkan 11, og av Vági klokkan 17.30. Seinasti túrur av Havnini til Vágs leygardag og sunnudag verður klokkan 20.

Ferðin millum Havnina og Vág við Norrønu tekur hálvan triðja tíma. 

Smyril fer at skifta motor, og hann verður eftir ætlan settur í sigling aftur um tríggjar vikur. Skipasmiðjan Mest skal gera arbeiðið