25 milliónir til Albert Hall

Albert Hall á Argjum skal umvælast fyri 25 mió. kr.

Millum annað skulu vindeyguni skiftast.

Landið keypti Albert Hall til fíggjar- og búskaparstovnarnar fyri 29 árum síðani.

Ætlanin er at gera umvælingarnar næsta ár.

Í uppskotinum um eykajáttanir biður landsstýrið um eina millión í ár.

Men minnilutin í fíggjarnevndini, Sirið Stenberg og Ruth Vang, mæla frá at játta pengarnar í ár.

Tær siga, at fíggjarárið 2026 er farið at halla.

Tí eigur verkætlanin at vera tikin við, tá fíggjarlógaruppskotið fyri 2027 verður viðgjørt.

Atkvøtt verður um eykajáttanarlógina í dag.

Hon hevur 25,3 mió. kr. í halli.

Fíggjarnevndin hevur uppskot um nakrar broytingar, sum landsstýrið biður um.