Árni Dahl í Vangamyndini

Gestur í Vangamyndini í Degi og Viku verður Árni Dahl, sum herfyri fekk heiðursgávu landsins.

Árni er lærari og rithøvundur og fremst í starvi hansara hava mál og bókmentir verið. Haraftrat hava Árni og Marianna, kona hansara, forlagið Fannir, ið hevur givið út ein hóp av bókum, bæði egið tilfar og fyri onnur, og uppi í tí hevur sjálvsagt verið ein hópur av ritstjórnararbeiði.

Alt hetta hevur Árni gjørt aftrat sínum starvi sum lærari fyrst á Venjingarskúlanum og síðani á Læraraskúlanum.

Vangamyndin eftir Dag og Viku kl. 19. Bogi Godtfred leggur til rættis.