Heiðrun fær gávugóðs

Heiðrun Petersen, violinleikari, fær gávugóðs úr Grunni Thorvalds Poulsen av Steinum í ár. 

Thorvald Poulsen av Steinum, ið stovnaði grunnin, var gartnari í Havn, og hann hevði stóra áhuga fyri bókmentum og list. Grunnurin hevur til endamáls at stuðla og eggja ungum fólki við listarligum hegni til útbúgving.

Latið 810.000 kr.

Gávugóðsið varð fyrstu ferð latið í 2001, og síðani hava 17 listafólk fingið tilsamans 810.000 kr. úr grunninum. 

Limirnir í nevndini eru sambært viðtøkunum fyri grunnin, rektarin á Fróðskaparsetri Føroya, formaðurin í Listasambandi Føroya og formaðurin í Føroya Lærarafelag 

Tiltakið, sum er alment, verður á Fróðskaparsetrinum, Jónas Broncks gøta 25, leygardagin 8. februar kl. 15.