Pelagos tekur skap

Tað gongur skjótt at seta nýggja uppsjóvarvirkið í Fuglafirði, Pelagos, upp. Bygningurin kemur úr Danmark, og har henda broytingar hvønn dag.

Eftir páskir er ætlanin at fara undir at seta maskinur og aðra útgerð upp. Tann útgerðin kemur úr Íslandi.

Arbeiðið gongur sum ætlað, og fyrst í juli verður farið at royna útgerðina.

Ætlanin er at Pelagos skal taka ímóti 45.000 tonsum av uppsjóvarfiski, og virkið klárar at taka ímóti 650 tonsum um samdøgrið.

Pelagos kostar góðar 200 milliónir kr. at byggja.