Karsten Hansen heldur fram sum landsstýrismaður

<p>Jenis av Rana, formaður í Miðflokkinum, segði við útvarpið fyri góðum mánaða síðan, at Miðflokkurin fór at skifta landsstýrisfólk í summar. Hann váttaði eisini fyri Norðlýsinum, at flokkurin leitaði eftir einum nýggjum landsstýrisfólki.</p>

<p>Tá Karsten Hansen tók við sum landsstýrismaður eftir valið í 2011, varð eisini sagt, at hann bert skuldi sita í sessinum í tvey ár, men nú heldur hann so fram í sessinum, kunnger Miðflokkurin í dag.</p>

<p>Fimm valevni vóru til samrøðu hjá floksstjórnini, sum søgdu seg taka av, um teimum stóð í boði at fara út í Heilsumálaráðið. Niðurstøðan var kortini, at tað var frægast, at Karsten Hansen heldur fram, sigur Jenis av Rana, formaður.</p>