Sjúkrarøktarfrøðingar samráðast enn

Semingsroyndin millum Lønardeildina og Felagið Føroyskir Sjúkrarøktarfrøðingar heldur fram.

Terje Sigurðson, semingsmaður, sigur, at enn liggur onki semingsuppskot í kortunum.

Semingsroyndin byrjaði á middegi í gjár.

Tað vóru sjúkrarøktarfrøðingarnir, sum 24 mars sendu boð eftir semingsstovninum, tí partarnir ikki rukku á mál við lønarsamráðingunum.

Sáttmálin millum lønardeildina og sjúkrarøktarfrøðingarnar fór úr gildi fyrsta oktober í fjør.