IRF hevði 3,5 mill. kr. í avlopi í fjør

IRF hevði 3,5 mio. kr í avlopi í 2013.

Bruttoúrslitið gjørdist 45,74 mió. kr, sum er 1,28 mió. kr minni enn í 2012.

Rakstrarúrslitið gjørdist yvirskot á 3,48 mió. kr, sum er 670.000 kr minni enn í 2012, men 2,14 mió. kr. hægri enn mett frammanundan.

Inntøkurnar vóru 730.000 kr. lægri enn í 2012, meðan útreiðslurnar vóru 150.000 kr. hægri.

Samlaðu íløgurnar í 2013 vóru 7,93 mió. kr.

Av hesum vóru 5,89 mió. kr. gjørdar í nýtt spilloljuverk, móttøkuhøll til serliga dálkandi burturkast og í Brennistøðina.

Íløgur fyri 140.000 kr. vórðu gjørdar í ymiska útgerð.

1,14 mió. kr. í ruskpláss og bingjur, og 760.000 kr. í endurnýtsluskipanina.

Samlaða lánsskuldin var 3,08 mió. kr. lægri enn í 2012, meðan rentuútreiðslurnar vóru 70.000 kr. lægri.

Fíggjarstøðan javnvigar við 135,08 mió. kr í 2013, í mun til 132,81 mió. kr í 2012.

Aðalfundurin samtykti eisini at hækka limagjaldið fyri 2015 við 10 kr. fyri hvønn íbúgva.

Ruskgjaldið hækkar úr 1.090 til 1.095 kr fyri hvønn íbúgva, og rottangagjaldið hækkar úr 185 til 190 kr fyri hvønn íbúgva um árið.