Seks mánaðar fongsulsrevsing fyri kynsligan ágang

Camilla Dahl, ákæri sigur, at maðurin skal hava havt annan kynsligan ágang enn samlegu við eina gentu, sum tá var 14 ára gomul. Kynsligi ágangurin varð framdur í tíðarskeiðunum 2002 til 2003 í Suðuroy.

36 ára gamli maðurin er ikki beinleiðis í familju við gentuna, men tey eru innanfyri somu familju.

Gentan, sum í dag er 24 ára gomul, vendi sær í fjør sjálv til løgregluna og meldaði mannin. Firningarfreistin fyri siðamisbrot er vanliga 10 ár frá tí, at offrið er fylt 18 ár. Tað vil siga, at í Føroyum skal ákæra verða reist, áðrenn offrið hevur havt sín 28 ára føðingardag.