Theodor úr Kvívík til Hoyvíkar

Theodor Olsen, sóknarprestur í Kvívík, verður prestur í nýggja prestagjaldinum í Tórshavnar kommunu.

Á felags kirkjuráðsfundi í gjárkvøldið innstillaðu kirkjuráðini í Suðurstreymoyar norðara prestagjaldi Theodor Eli Dam Olsen til kallið sum sóknarprestur. 

Fýra umsøkjarar vóru til embætið, upplýsir Jógvan Fríðriksson, bískupur. 

Prestagjaldið er nýtt, tað verður skipað 1.september. Í nýggja prestagjaldinum eru tvær kirkjusóknir og tvær kirkjur, Hoyvík og Kaldbak. Har búgva 4.300 fólk. 

Sunnudagin 6.september skipar Uni Næs, dómpróstur, Theodor Olsen í kallið við gudstænastu í Hoyvíkar kirkju.