- Tíðindi, mentan og ítróttur
Øll fiskifør skulu boða frá landing
<div>Nú skulu øll fiskifør boða Fiskiveiðueftirlitinum frá, tá tey fara inn at avreiða. </div><div><br></div><div>Hetta kravið hevur verið galdandi fyri nakrar bólkar, men verður nú galdandi fyri øll uttan teir smáu húkabátarnar. </div><div><br></div><div>Kunngerðin um landingar og avreiðingar er dagførd. </div><div><br></div><div>Ein broyting er, at nú skal Fiskiveiðueftirlitið hava at vita frá øllum fiskiførum, nær og hvar tey avreiða ella landa. Tá verður lættari hjá Fiskiveiðueftirlitinum at fáa til vega hagtøl og at hava eftirlit við veiðuni. </div><div><br></div><div>Fiskiveiðueftirlitið skal hava boðini í seinasta lagi seks tímar, áðrenn fiskurin verður landaður. Tá fiskifarið er úti í minni enn eitt samdøgur, er freistin tríggir tímar. Útróðrarbátar í bólki 5, t.e. bátar minni enn 15 tons, eru tó undantiknir fráboðanarskylduni. </div><div><br></div><div>Verður landað uttanlands, skal skiparin senda Fiskiveiðueftirlitinum tølini. </div>
