Asbjørn Senior sleppur nú at fiska makrel

Gamla veiðiloyvið hjá Athenu er virkið aftur.

Og í gjár fekk Asbjørn Senior í Vági eisini fiskiloyvi frá Vørn.

Asbjørn Senior sleppur at fiska makrel í føroyskum sjógvi, ES sjógvi, norskum sjógvi og í altjóða sjógvi.

Asbjørn Senior hevur fingið lut í kvotuni hjá verksmiðjuskipum.

Felagið hjá Thor, sum átti Athenu, varð keypt til Vágs í summar. Felagið, sum framvegis eitur P/F Ocean Group Faroes Ltd, hevur fingið loyvi til at fiska í mesta lagi 4.400 tons av felagskvotuni hjá verksmiðjuskipunum.  

Higartil hevur Asbjørn Senior bara havt flutningsloyvi. Hann hevur flutt makrel og sild frá skipum, sum fiska, til lands.