Frants Jensen í Vangamyndini

 Fríggjadagin 19. september verður hátíðarhald á nýggja viðgerðarheiminum hjá Bláa Krossi á Nesi, tí tá er tað liðugt at taka í nýtslu.

14 viðgerðarpláss eru á heiminum, og tað er sama tal, sum pláss hevur verið fyri á heiminum í Havn, men umstøðurnar á Nesi verða nógv betri, bæði fyri tey, sum eru í viðgerð, og fyri starvsfólkini.

M.a. verður bert eitt búfólk á hvørjum kamari. Nýggja viðgerðarheimið er eitt stórt tak hjá Bláa Krossi. Tað kostar 13 milliónir krónur. Grundstykkið gav Nes kommuna, men meginparturin av byggikostnaðinum er fingin til vega við innsavning og gávum. 

Lán og afturbering av mvg

Restin er fíggjað við láni og afturbering av mvg. Viðgerðin og tað, heimið kostar at reka, verður fíggjað við almennari játtan, og brúk er fyri hesum viðgerðarmøguleika, tí plássini eru mestsum altíð umbiðin, og viðhvørt er bíðilisti at koma á heimið.

Frants Jensen er gestur hjá Boga Godtfred í Vangamyndini í Degi og Viku.