- Tíðindi, mentan og ítróttur
Fer at kosta 450 kr. at koyra í Sandoyartunlinum
<p>Skal bilferðslan einsamøll fíggja Samdoyartunnilin fer tað at kosta 453 krónur at koyra aftur og fram í tunlinum.</p><div><br></div><div>Tað upplýsir Kári P. Højgaard, landsstýrismaður, í einum svari til skrivligan fyrispurning frá Jenisi av Rana, løgtingsmanni úr Miðflokkinum. Hann spurdi landsstýrismannin um undirsjóvartunlar og ferjur, og hvat loysir seg.</div><div><br></div><div>Landsverk metir, at tað fer at kosta 700 milliónir krónur at byggja Sandoyartunnilin. Mett verður, at 126.000 akfør fara at koyra í tunlinum um árið, og skal ferðslan einsamøll fíggja alla verkætlanina, verður ferðaseðlaprísurin 453 krónur aftur og fram. </div><div><br></div><div>Hesar útgreiningar eru gjørdar í sambandi við ætlanina at byggja Skálafjarðartunnilin og tunnil undir Skopunarfjørð</div><div><br></div><div><b>Dýr enduríløga</b></div><div><br></div><div>Tá er enduríløgan upp á 700 milliónir krónur 20. hvørt ár íroknað, og rentan er sett til 3,7 prosent. Verður enduríløgan sett til 350 milliónir krónur 20. hvørt ár, kann ferðaseðilin í Sandoyartunlinum lækka niður í 250 krónur aftur fram.</div><div><br></div><div>Í Noregi verða tunlar heildarumvældir 20. hvørt ár, og har er høvuðsreglan, at tað kostar líka nógv at heildarumvæla tunnil, sum tað kostaði at byggja hann 20 ár frammanundan.</div><div><br></div><div>Landsverk heldur seg upp at norskum normum, og hevur somu royndir av útreiðslum til at heildarumvæla Leynatunnilin, Norðskálatunnilin og Brúnna um Streymin, sigur Kári P. Højgaard. Hesar verkætlanir kostaðu á leið tað sama at høvuðsumvæla til dagsins krøv, sum tær kostaðu at fremja 30 ár frammanundan.</div>
