Kvinnu- og manshondbóltdystir í Havn í morgin

Dysturin hjá kvinnum verður klokkan 17 millum føroyameistararnar úr Kyndli og steypafinalistarnar úr Neistanum, og dysturin hjá monnum verður klokkan 19 millum føroyameistararnar úr KÍF og steypavinnararnar úr Kyndli.

Spælt verður um tvey spildurnýggj steyp, Lionsbikørini, sum spælast skal um næstu tíggju árini ella til eitt felag hevur vunnið oftari enn onnur.

Tað er Faroe Agency, ið hevur stuðlað átakinum hjá Lions Club og Hondbóltssambandi Føroya, við at lata steypini.

Ágóðin fer til lasertól

Ágóðin frá dystunum kemur hesaferð Sjóndeplinum til góðar.

Meira ítøkiligt er talan um at stuðla keypi av einum serligum lasertóli, ið gevur blindum føroyingum møguleika at virka allar møguligar gagnlutir.

Ágóðin frá Ólavsøkuframsýningini hjá Lions Club Tórshavn fer til sama endamál, og í tí sambandi fær Sjóndepilin í hálvleikinum á mansdystinum handaðar 50.000 krónur.