Framvegis ógreitt hví Gullberg sakk

Framvegis ógreitt hví Gullberg sakk
Sjóvinnustýrið hevur kannað óhappið og skrivað frágreiðing.
Mynd: Suðurrás.fo  
 
13.11.2014 - 10:09

Ikki ber til at siga við vissu, hví trolarin Gullberg sakk norðan fyri Føroyar 31.juli í fjør.

Sjóvinnustýrið hevur kannað óhappið og skrivað frágreiðing. 

Í niðurstøðuni stendur, at tá maskinmeistarin kom niður í maskinrúmið, eftir at alarmurin fór í gongd, stóðu ventilarnir undir í sjógvi. Ikki bar til at steingja botnventilarnar, tí sjógvur fossaði inn í maskinrúmið framman í bakborð, og ikki var møguligt at koma fram at ventilunum fyri sjógvi.

Sjófiltrið í maskinrúminum er úr stoypijarni. 

Skipasmiðjan Mest kannaði sjófiltrið, beint áðrenn Gullberg fór til fiskiskap hendan seinasta túrin. Meistarin bað um at fáa sjófiltrið kannað, tí hann helt, at tað “sveittaði” og tað kundi týða upp á tering. 

Hvørki teringur ella løstur

Men Mest sigur, at hvørki teringur ella løstur vórðu staðfestir.

Botnventilarnir kundu bara steingjast við sjálvan ventilin. Men tað kann tó ikki staðfestast at vera orsøkin til sjálvt óhappið, men ein óheppin avleiðing, tí ikki var møguligt at avmarka lekan ella steðga honum.

Vrakið av Gullbergi liggur á 1200 metra dýpi, so ikki ber til at kanna, um hol var komið í skrokkin, ella skrokkurin var skrædnaður. Heldur ikki ber til at fáa vissu fyri, um trupulleikar vóru við sjófiltrinum ella botnventilum.

Sjóvinnustýrið sigur, at sum frá líður kann óhappið dálka umhvørvið, tí olja var í tangunum, tá Gullberg sakk.

Er kopiera
Nýggjastu sendingar í ÚV
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592