Má gerast lættari at búgva her og lesa uttanlands

Má gerast lættari at búgva her og lesa uttanlands
At vera innskrivaður til lestur uttanlands og búgva í Føroyum eigur at vera lættari, heldur Kári P. Højgaard.
Mynd: Savnsmynd  
 
16.11.2014 - 10:23

Kári P. Højgaard, løgtingsmaður fyri Sjálvstýrisflokkin, hevur sett Bjørn Kalsø, landsstýrismanni, ein grein-52 fyrispurning, um hvussu vit kunnu byrgja fyri fráflyting.

Í viðmerkingunum til fyrispurningin vísir Kári P. Højgaard, løgtingsmaður á, at nógv eru tey, ið nema sær útbúgving yvir netið. Hjá fleiri teirra letur tað seg gera, meðan onnur, sum byrja, mugu gevast, tí tað er sera kostnaðarmikið at ferðast millum Føroyar og Danmark til próvtøkur o.a.

Hesi, sum flyta av landinum fyri at fáa ávísa útbúgving eru ofta í góðum árum og hava familju. Sostatt er tað ikki bert ein, sum flytur, men øll familjan, skrivar Kári P. Højgaard í fyrispurninginum.

Stuðul til flogferðir og samstarv við setrið

Løgtingsmaðurin skjýtur upp, Mentamálaráðið ella Studni veita stuðul til flogferðir, ella at samstarv kundi fingist við Fróðskaparsetrið og lærustovnar uttanlands, soleiðis at tey lesandi umvegis fjarlestur kundu tikið próvtøkurnar her heima uttan kostnað.

Kári P. Højgaard, løgtingsmaður spyr Bjørn Kalsø, landsstýrismann, um hann ætlar at veita stuðul til teir borgarar, sum velja at búgva í Føroyum og taka sína útbúgving yvir netið, og hví Mentamálaráðið ikki javnsetir tey, sum ganga í skúla her.

Grein 52 spurningar skulu verða svarðaðir í seinasta lagi tíggju yrkadagar eftir, at teir eru settir.

 

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592