Matvørueftirlitið hjá ES kemur á eftirlitsvitjan

Matvørueftirlitið hjá ES hevur á eftirlitsvitjan tíðliga í vár. Tað skrivar Heilsufrøðiliga Starvsstovan á síni heimasíðu

FVO (Food and Veterinary Office), sum er eftirlitsstovnur hjá ES, kemur á eftirlitsvitjan í Føroyum tíðliga komandi vár.

Endamálið við vitjanini er at eftirmeta heilsufrøðiligu viðurskiftini undir framleiðsluni av fiskavørum, her íroknað skeljadjór og at eftirmeta eftirlitið við dálkandi evnum og heilivágsleivdum. Vitjað verður á alibrúkum, fiskavirkjum, apoteksverkinum og á kanningarstovunum hjá Heilsufrøðiligu starvsstovuni.

FVO byrjar sítt eftirlit týsdagin tann 10. mars 2015 og endar mánadagin tann 16. mars 2015.