Føroya Landsbókasavn við nýggjum e-portali

Talan er um verkætlan, sum hevur til endamáls at fáa øll føroysku bløðini út til fólk. Bløðini, sum í mars mánaði verða tøk at lesa á telduni, eru tey, sum higartil hava ligið á mikrofilmi. Men av tí, at ikki øll tíðarrit og bløð hava verið avmyndað á mikrofilmi, verður savnið ikki heilt fullfíggjað.

Erling Kjærbo er verkætlanarleiðari, og hann sigur við Sosialin, at í fyrstuni verður leitiskipanin nakað skerd, men seinni í ár verða dagføringar gjørdar, so brúkarin m.a. sleppur at leita eftir einum orði í øllum bløðunum í senn.

Listin yvir øll bløð, sum verða at finna á nýggja e-portalinum, kunnu síggjast í dagsins Sosiali.