Herálvur stillar uppaftur

Herálvur Jacobsen stillar upp aftur, tá formansval verður í Føroya Lærarafelag tann 18. apríl. 

Herálvur Jacobsen hevur verið formaður í Lærarafrelagnum síðani tann 14. september í 2010, og ætlar sær eitt skeið aftrat sum formaður. 

Enn er ikki greitt, um nakar stillar upp móti sitandi formanni. Freistin at boða frá uppstilling er tann 4. apríl. 

Formaðurin er valdur fyri tvey ár. 

Tveir nevndarlimir standa eisini fyri val. Tey eru Maria V. Hansen og Jákup av Skarði. 

Aðalfundur verður í  Føroya Lærarafelag leygardagin tann 18. apríl í skúlanum við Løgmannabreyt í Hoyvík.