Nærum 1.000 andstøðingar tiknir í Kina í ár

Felagskapurin, Chinese Human Rights Defenders (CHRD) finst hvassaliga at forsetanum, Xi Jinping, sum er orsøkin til herdu framferðina.

Eftir mótmælini í Hong Kong í juni í fjør, vóru yvir 200 fólk tikin.

Endurreisa álit á rættarskipanina

Í farnu viku segði ovasti dómarin í Kina, Zhou Qiang, at Kina eigur at taka eina uppgerð við ólógligar fongslingar og mutraðar dómarar, fyri at fólkið aftur skal fáa álit á rættarskipanina.

Uppundir kvinnudagin vórðu fimm kvinnur tiknar, tí tær ætlaðu at skipa fyri at dagurin varð hildin.

Amnesty International segði seg vera skelkað av hendingini, og ES hevur kravt, at kvinnurnar verða lætnar leysar.

Advokatar rýma
Fleiri advokatar sum arbeiða fyri hótt fólk, eru sjálvir hóttir ella píndir, og fleiri eru eisini fluttir til onnur pláss í landinum, skrivar NTB.

Mannarættindafelagskapir siga seg vænta, at støðan við mannarættindum í Kina fer at standa við og versna, tí verandi stýri verður sitandi til 2023.