Verkfall í Fraklandi: Hundraðtals flogfør avlýst

Flogleiðarar í Fraklandi eru farnir í verkfall. Umleið 40 prosent av øllum flogferðunum í Fraklandi eru avlýstar í dag

Meginparturin av innanríkis flogferðunum í Fraklandi eru avlýstar, nú flogleiðarar eru farnir í verkfall. Uttanríkis flúgvingin er ikki so meint rakt

Mynd: AP

Bjarni Mohr

08.04.2015 - 11:39

Flogferðslan í Fraklandi er darvað, nú flogleiðarar í øllum landinum eru farnir í verkfall. 4 av 10 øllum flogferðum í dag eru avlýstar, nú verkfall er.

Verkfallið, ið stendur við til hósdagin, darvar fyri tað mesta innanríkisflúgvingini í Fraklandi. Flogfelagið Air France hevur avlýst tveir triðingar av øllum flogferðum.

Greinin heldur fram niðanfyri

New div after blockquote

100s of flights cancelled ahead of planned strike by French air traffic controllers http://t.co/GgF60SawGb
— BBC News (UK) (@BBCNews) April 8, 2015

Stríðið í verkfallinum er eftirlønaraldurin hjá flogleiðarum. Vinnan vil, at eftirlønaraldurin verður hækkaður úr 57 upp í 59 ár, men tað vil felagið hjá flogleiðarunum ikki hoyra talan um.

Longu nú eru ætlanir um nýggj verkføll hjá flogleiðarunum. Tey verkføllini verða ætlandi 16. - 18. apríl og 29. apríl - 2. mai, tá skúlar í Fraklandi hava frí.