Nýggj iPhone etur avlopið hjá Samsung

Sølan av nýggjum iPhone gongur í løtuni so mikið væl, at tað sæst týðuliga aftur í avlopinum hjá hinum stóra telefonframleiðaranum, Samsung.

Fyrsta ársfjórðingin minkaði avlopið hjá Samsung við 39 prosentum sammet við sama tíðarskeið í 2014. Avlopið hjá Samsung fyrsta ársfjórðing var umleið 25 milliardir krónur.

Høvuðsorsøkin til ógvusligu lækkingina í avlopinum hjá Samsung er iPhone 6 hjá Apple, ið kom á marknaðin í fjør heyst, skrivar Associated Press.

Greinin heldur fram niðanfyri

New div after blockquote

Samsung's 1st-quarter profit sinks 39 percent as consumers switched to bigger iPhones: http://t.co/5F234S3EFN

— The Associated Press (@AP) April 29, 2015

Suðurkoreanski telefonframleiðarin, Samsung, væntar tó, at fyritøkan klárar at venda vánaligu gongdini í hesum næsta ársfjórðinginum í 2015 við eini nýggjari fartelefon.

Samsung ætlar við nýggju Galaxy S6 og Galaxy S6 Edge fartelefonunum at endurvinna sína støðu á millum annað kinesiska marknaðinum, har Apple telefonirnar eru betur umtóktar enn Samsung.

Greinarar eru kortini ikki sannførdir um, at nýggju Galaxy S6 fartelefonirnar eru nóg mikið til at vaksa um avlopið hjá Samsung aftur restina av hesum árinum.