H71 styrkir seg við dana

h71.fo skrivar, at felagið hevur skrivað undir sáttmála við Peter Krogh, sum er kendur fyri at skora nógv mál.

Peter Krogh er 191 sentimetrar høgur. Hann hevur fyrr spælt fyri Viborg HK, Aars HK, Aalestrup IF og Randers HH.

Hóast sín unga aldur hevur hann nógvar royndir. Hann spældi í bestu deildini í Danmark, tá hann spældi við Viborg HK.

Seinnu hálvu síðsta kappingarár spældi Peter Krogh við Randers HH, sum spældi við um at flyta upp í bestu deildina.

Petur Mittún, høvuðsvenjari hjá H71 sigur soleiðis um Peter Krogh: 

Peter er ein sermerktur leikari, sum kann skjóta bæði við vinstra og høgra armi. Sostatt kann hann spæla á bæði høgra og vinstra bakki. Peter er skjótur á fyrstu fetunum, umframt at hann er fysiskt væl fyri.