Seta hol á sjúkrahúsbygnaðin

Løgtingið hevur samtykt at heita á landsstýrið um at leggja fyri tingið frágreiðing um visjón fyri sjúkrahúsverkið.

Frágreiðingin skal hava greið mál fyri viðgerðarstig og at menna viðgerðartilboð, útvega serlæknar og onnur heilustarvsfólk, og áhaldandi at menna fakliga førleikan.

Ein politiskur stýringarbólkar og raðfestingarnevnd skulu setast við umboðum fyri øll trý sjúkrahúsini, landslækna og avvarðandi yrkisbólkum at samskipa tænastur og at áseta, hvørjar tænastur skulu vera á hvørjum sjúkrahúsi.

Sirið Stenberg og Bjørt Samuelsen úr Tjóðveldi løgdu upprunaliga uppskotið til samtyktar fyri tingið um visjón fyri sjúkrahúsverkið, men ein samd trivnaðarnevnd gjørdi nakrar broytingar, og broytingaruppskotið varð einmælt samtykt í tinginum.