Kunnu missa heimsmeistarakappingina

Tað sigur sveisarin, Domenico Scala, í samrøðu við sveisiska dagblaðið Sonntagszeitung. Hann skundar sær tó at leggja aftrat, at enn eru eingi prógv funnin.

Domenico Scala er settur á odda fyri nevndini, sum skal stjórna FIFA, til ein nýggjur forseti er valdur. Sepp Blatter, sum hevur verið forseti, boðaði herfyri frá, at hann fer at leggja frá sær.

14 starvsfólk ákærd

Sveisiskir myndugleikar eru farnir at kanna, um mutur hevur verið uppií, í sambandi við heimsmeistarakappingina í 2018 og 2022.

Spurningur verður eisini settur við, um alt fór regluliga fram í sambandi við heimsmeistarkappingina í Suðurafrika í 2010.

14 núverandi og fyrrverandi FIFA-limir og starvsfólk eru ákærd í USA fyri at hava tikið ímóti mutri. Málini ganga 20 ár aftur í tíðina, og tey snúgva seg um tilsamans 990 milliónir kr.