Marius endurvunnið gullið

Marius Joensen hevur enn einaferð prógvað, at hann er ein avbera góður skjútti og klárar at halda høvdið kalt í avgerandi løtum.

Í dag kappaðust skjúttarnir á Oyggjaleikunum sum einstaklingar í greinini skeet.

Eins og á Oyggjaleikunum fyri tveimum árum síðani, stóð kappingin um gullið millum Marius Joensen úr Føroyum og Lennart Åkerblom úr Álandi. Aftur hesaferð vann Marius. Hann rakti 14 av 16 dúgvum. Álendingurin rakti 13 dúgvur.

Hetta er annað gullheiðursmerkið hjá Mariusi á Oyggjaleikunum á Jersey. Tað fyrra vann hann fyri lið saman við Sámali Debes.