Almannaverkið átalu fyri ikki at veita innlit

Ikki fyrr enn umboðsmaðurin kom upp í málið, varð innlitsumbønin avgreidd. Tað gingu sostatt 1 ár og 4 mánaðir, frá tí at klagarin bað um innlit, til klagarin fekk innlit í málið.

Hetta heldur umboðsmaðurin vera alt annað enn nøktandi, og gevur tí Almannaverkinum átalu fyri
handfaringina av málinum.

Almannaverkið hevur í frágreiðing til Umboðsmannin víst á, at tað sambært skjølunum í málinum ikki
sæst, hví innlit ikki varð givið, og at orsøkin tykist vera, at málið av misgávum ikki varð avgreitt.