Landsstýrismaðurin ikki álit á Landsverki - verkætlanardeildin niðurløgd

Hóast leiðslan á Landsverki staðiliga hevur mælt frá, verður Verkætlanardeildin hjá stovninum niðurløgd 1. januar.

Landsstýrið hevur arbeitt við at broyta skipanina viðvíkjandi byggiverkætlanum, og avgjørdi á landsstýrisfundi í gjár at niðurleggja Verkætlanardeildina.

Les bræv frá Landsverki til Vinnumálaráðið her.

Marjun Weihe Thomassen, Landsverk

Í stuttum skrivi frá Pól Egholm aðalstjóra, til stjóran á LV, Marjuna Weihe Thomassen seinnapartin í gjár, verður boðað frá: 

"Sum eg nevndi í telefonini, hevur landsstýrið nú tikið endaliga avgerð um, at farið verður burtur frá eini skipan við miðsavnaðum byggiharraleikluti á Landsverki til eina skipan, har byggiverkætlanir, viðlíkahald, leigusáttmálar o.tíl. verða løgd til tey aðalráð, ið varða av játtanini á fíggjarlógini. Endamálið er at tryggja greiðari ábyrgdarbýti í sambandi við byggiverkætlanir og bygningsumsiting í síni heild.

Hetta merkir somuleiðis, at byggiumsitingin hjá Landsverki verður niðurløgd skjótast gjørligt og í seinasta lagi 1. januar 2027.

Tú verður tí biðin um at tryggja, at hendan umskipan fer fram so skjótt og smidliga sum gjørligt í tøttum samstarvi við tey aðalráð og stovnar, ið skulu røkja uppgávurnar frameftir."

Les 

Jacob Vestergaard

Ráðgevar skulu hava ábyrgdina

Jacob Vestergaard, landsstýrismaður í vinnumálum, sigur, at ábyrgdin fyri almennum verkætlanum skal liggja hjá tí stovni ella aðalráði, sum hevur játtanina á fíggjarlógini. Privatir ráðgevar skulu hava ábyrgdina gjøgnum alla verkætlanina, sigur hann.

Landsstýrismaðurin hevur ikki álit á Landsverki, tá tað snýr seg um byggiverkæltanir.

Hoyr samrøðu við Jacob Vestergaard í útvarpstíðindunum: 

Marjun Weihe Thomassen, stjóri á Landsverki, hevur onga viðmerking í løtuni.