Statskassin átti ikki fíggja Ílegusavnið

Statskassin átti ikki fíggja Ílegusavnið
Tað sigur Kristina Háfoss í Tjóðveldi, næstforkvinna í Fíggjarnevndini hjá løgtinginum.
 
31.07.2015 - 09:22

Hon heldur, at tær tíggju milliónirnar, sum Ílegusavnið fær úr statskassanum til verkætlanina FarGen, áttu heldur at komið úr landskassanum.

Fíggjarnevndin hevði fund fyrrapartin ólavsøkudag at viðgera eina ætlan hjá Heilsumálaráðnum um at stovna nýggja kontu í fíggjarlógini, so til ber at flyta tíggju milliónir úr statskassanum í landskassan.

Hesum tók Fíggjarnevndin undir við. Men tað var ikki ein samd Fíggjarnevnd. 

Kristina Háfoss tók ikki undir við at loyva Karsteni Hansen at inntøkuføra tíggju mió. kr. í ár, næsta ár og í 2017.

Kristina Háfoss mælir ístaðin til, at landsstýrið sjálvt setir tær tíggju mió. kr. í fíggjarlógina yvir trý ár til at gera fyrireikingarnar í sambandi við FarGen lidnar. 

Hetta er ein verkætlan undir Heilsumálaráðnum, og landsstýrið og løgtingið eiga at raðfesta FarGen og lata landskassan gjalda fyrireikingarnar.

Tað er eisini sera óhóskandi, at føroyskir fólkatingslimir kappast um at fáa pengar úr donsku fíggjarlógini í føroysku fíggjarlógina. 

Hetta er ein grundleggjandi skeiv kós, sum í veruleikanum er enn ein hækking av veitingini, sum Føroyar fáa úr Danmark, sigur Kristina Háfoss, løgtingskvinna og næstforkvinna í Fíggjarnevndini. 

Hon leggur afturat, at spurningurin er, um vit ikki við hesum flyta ein part av ábyrgd hjá landsstýrinum í fólkatingið, sum so óbeinleiðis avger, hvørjar verkætlanir skulu gerast í Føroyum. 

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592