Royna við tveimum aliringum

Í november í fjør varð ein aliringur lagdur á Sandsvág, 0,3 fjórðingar eystur úr grótkastinum við havnina. Næsta vetur er ætlanin at royna við tveimum ringum.

SÍ EISINI Kanna møguleikar fyri aling á Sandsvág

Eingin laksur er í ringunum, men lukkast royndirnar, er ætlanin at seta laks í sjey ella átta ringar á Sandsvág næsta vár, sigur Hans Jákup Mikkelsen, stjóri í Marine Harvest Faroes.

Av tí at minst 30 metra dýpi skal vera undir ringunum, liggja ringarnir uttarlaga á vágni, og har er harðført og nógv alda í vestanættunum.