- Tíðindi, mentan og ítróttur
Grótbrotið á Glyvursnesi víðkast
![](https://kvf.fo/sites/default/files/styles/grein-ovasta-mynd/public/grotbrot-glyvursnes-google_earth.png.jpg?itok=fPFjbvlU)
Grótbrotið á Glyvursnesi skal víðkast suðureftir, nú Tórshavnar havn skal útbyggjast. Nýggja grótbrotið verður 82.000 fermetrar.
Umhvørvisstovan krevur, at nýggja grótbrotið og tað gamla frá fýrsunum koma í byggisamtyktina hjá Tórshavnar kommunu og verða sett á kortið.
Brúkast til tyrvingarpláss aftaná
Ætlanin er at brúka grótbrotini til tyrvingarpláss og møguliga til rottangatøming og annað tílíkt, tá liðugt er at taka grót úr teimum.
Á dagsskránni fyri býráðsfundin í Havn í kvøld klokkan seks er uppskot um at broyta byggisamtyktina og at seta grótbrotini á kortið.
Málið um at broyta almennu byggisamtyktina í sambandi við viðkan av Skansabryggjuni og Eystara havnaøki er eisini eitt av nógvu málunum, sum eru til viðgerðar á fundinum í kvøld.