Viðmerkjari: Ryggleyst at rýma av landinum

- Tað er ikki ein demokratiskur trupulleiki, at ein politikari roynir at sleppa sær undan at atkvøða í einum viðkvomum máli, tí fólkið hevur valt politikaran. Men tað er ryggleyst.

Tað heldur Georg L. Petersen, blaðstjóri á Dimmalætting, sum gjørdi viðmerkingar til málið um, at Heðin Mortensen rýmdi av landinum, so hann slapp undan at atkvøða um hjúnabandslógina við 3. viðgerð.

Georg L. Petersen sigur, at hevði Heðin Mortensen verið í tinginum og atkvøtt ímóti lógini, hevði samgongan fallið. Og so var trupulleikin uppaftur størri.

Georg L. Petersen var gestur í Degi og Viku í kvøld.