- Tíðindi, mentan og ítróttur
20 hava søkt: Nú kann skúlin byrja
20 hava søkt: Nú kann skúlin byrja
Nú er endaliga greitt, at Ítróttarháskúlin í Suðuroy fer undir sítt virksemi eftir summarfrítíðina. Skúlin hevur fingið nóg mikið av tilmeldingum
09.06.2016 - 13:43
Ítróttarháskúlin hevur higartil fingið 20 tilmeldingar til fyrsta skeiðið, sum byrjar í august. Tað sigur Guðmundur Joensen, stjóri fyri Ítróttarháskúlan.
Sambært lógini um fólkaháskúlar kann landið bara góðkenna og lata játtan til rakstur, um skúlin kann vísa á nøktandi næmingatal.
Lógin sigur, at í minsta lagi 12 ársnæmingar skulu vera á skúlanum. Nú Ítróttarháskúlin hevur fingið 20 tilmeldingar, lýkur skúlin treytirnar í lógini og kann tí fara undir sítt virksemi.
Løgtingið hevur játtað 800.000 krónur til rakstur til ítróttarháskúlan. Enn ber til at tekna seg til ítróttarháskúlan. Freistin at søkja um upptøki er á middegi tann 1. juli.
Er kopiera
Nýggjastu sendingar í ÚV
Nýggjastu sendingar í SV
