Lógaruppskot um heildarveitingina gjørt

Danska fíggjarmálaráðið hevur gjørt lógaruppskot um heildarveitingina til Føroya árini 2016-2019. Sambært uppskotinum verður blokkurin 641,8 milliónir krónur um árið hesi fýra árini.

Undanfarna samgonga fekk heildarveitingina prístalsviðgjørda. Í farna samgonguskeiði hækkaði hon úr 615,5 milliónum krónum upp í 641,8 milliónir krónur.

Lógaruppskotið sent til hoyringar

Samgongan, sum tók við eftir løgtingsvalið 1. september í 2015, bað donsku stjórnina steðga prístalsviðgerðini.

Í apríl skrivaðu Kristina Háfoss, landsstýriskvinna, og Claus Hjort Frederiksen, ráðharri, undir avtalu um at frysta blokkin. Landstýrið hevur eisini tryggjað sær, at til ber at minka blokkin hetta til 2019.

Lógaruppskotið um heildarveitingina til Føroya árini 2016 til 2019 er sent til hoyringar. Hoyringarfreistin er til 1. august.