Hagstovan vil varðveita sína játtan

Skal Landsbankin hava 1,8 milliónir krónur frá Hagstovuni, er neyðugt at hækka játtanina hjá Hagstovuni 1,8 milliónir næsta ár. 

Tað sigur Sigurð Poulsen, stjóri á Hagstovuni, í hoyringarsvarinum um Landsbankan, sum skal endurstovnast.

Hann sigur, at raðfestingarnar hjá Hagstovuni koma í álvarsligan vanda, tí Hagstovan verður so illa mannað.

Arbeiðið hjá Hagstovuni kemur í vanda, tí orkan gongur undan. Talan er millum annað um tjóðarroknskapin og hagtøl um arbeiðsmarknaðin.

Stjórin á Hagstovuni mælir til, at Hagstovan ger hagtølini klár til Landsbankan at greina fyri at sleppa undan, at báðir stovnar gera tað sama.