Nýggj samgonga skipað á Tvøroyri

bannari
Nýggj samgonga skipað á Tvøroyri
Kommunulistin og Borgaralistin á Tvøroyri boða frá í tíðindaskrivi, at tey eru blivn samd um samstarv. Tað er ógreitt, hvør verður borgarstjóri
 
09.11.2016 - 08:54

Anita Vibergsdóttir, ið er einsta umboð hjá Borgarlistanum, og sum kom í eina lyklastøðu, tí Javnaðarflokkin og Kommunulistin fingu tríggar sessir hvør, segði í gjár, hon fór at krevja borgarstjórasessin. 

Útvarpið hevur í morgun roynt at fáa fatur á Anitu Vibergsdóttir og Kristini Michelsen, men tað er ikki eydnast til tíðindasendingarnar fyrr í morgun.

Javnaðarlistin á Tvøroyri og Kommunulistin hjá Kristini Michelsen eru so ósamdir, at samstarv teirra millum at kalla hevði verið ógjørligt.

SÍ EISINI Video: Anita krevur borgarstjórasessin á Tvøroyri

Sostatt bendir alt á, at teir báðir løgtingsmennirnir hjá Javnaðarflokkinum, Kristin Michelsen og Bjarni Hammer, sum hava verið ávíkavist borgarstjóri og varaborgarstjóri, hava mist sessirnar.

Kristin Michelsen sendi fyrradagin bræv til lokalnevndina hjá Javnaðarflokkinum á Tvøroyri. Har bað hann um váttan fyri, at tey framvegis stuðla honum,sum umboð teirra á løgtingi.

Signar Dam, formaður í lokalfelagnum á Tvøroyri, segði við in.fo í gjár, at tey fóru at svara Kristini Michelsen eftir kommunuvali. Tí er spurningurin, hvørja ávirkan valúrslitið á Tvøroyri fær á Javnaðarflokkin á tingi.

Er kopiera
Nýggjastu sendingar í ÚV
Leygardag 15. juni
Upp á tá - 150624
176790
Leygardag 15. juni
Jambalaja - 150624
176785
Leygardag 15. juni
EM tíðindi - 150624
176776
Leygardag 15. juni
Vikan 15. juni 2024
176774