- Tíðindi, mentan og ítróttur
Atlantic Airways stovnað listagrunn
![](https://kvf.fo/sites/default/files/styles/grein-ovasta-mynd/public/listagrunnur-mynd.jpg?itok=cr0q8Zko)
Á hvørjum ári, 28 mars, sum er dagurin í 1988, tá Atlantic Airways fyrstu ferð fleyg við ferðafólki, fer flogfelagið at lata 100.000 kr. umframt ferðaseðlar til føroyingar við listaligum flogi, sum vert er at stimbra.
Listaflog fer at lata pening til eina ella fleiri verkætlanir á hvørjum ári. Endaligar treytir og umsóknarblað vera klár í januar.
Les eisini: Soleiðis eita flogførini hjá Atlantic Airways
Í hangarinum í Vágum varð eisini upplýst í gjár, at einki av teimum 600 uppskotunum í navnakappingini hjá Atlantic Airways hevði øll fimm nøvnini, sum dómsnevndin valdi til flogførini og tyrluna. Men tey fýra, sum høvdu trý av fimm nøvnum, fingu virðisløn. Tey eru Alvin Joensen, Heri Nolsøe, Kinna Poulsen og Páll Oddur Rubeksen.