Birna fer til gravar í dag

Rætturin í Reykjavík longdi í gjár varðhaldsfongslingina hjá manninum við 14 døgum, men maðurin hevur kært hesa avgerðina.

Tað upplýsir Unnstein Ørn Elvarsson, verji hjá manninum, fyri RUV.

Maðurin sigur seg verða ósekan.

Í dag verður Birna Brjánsdóttir borin til gravar. Foreldrini hava heitt á fjølmiðlar um ikki at taka nærmyndir av familjuni.

Birna Brjánsdóttir varð dripin 14. januar og eina viku seinni varð hon funnin í sjóarmálanum við Selvogsvita, 50 km uttanfyri Reykjavík.

Leygardagin gingu millum 6-8.000 fólk minnisgongu í miðbýnum í Reykjavík til minnis um Birnu Brjánsdóttir. 

Jarðarferðin verður úr Hallgrímskirkjuni í Reykjavík.