Kropslig mørk í Steinatúni

- Tá børn og ung kenna síni rættindi, duga tey betur at seta egin mørk og at skapa felagsskapir, har persónlig mørk verða vird.

Soleiðis siga fyriskipararnir aftanfyri tiltakið Vika SEX, sum er á apotekinum í Steinatúni í Havn hesa vikuna, og sum varpar ljós á kynslig og kropslig mørk millum ung og børn.

Tað er Tjaldurs Apotek og Gigni sum saman við felagsskapunum aftanfyri átakið Sex Krevur Samtykki, sum skipa fyri tiltakinum.

Læra at seta mørk á netinum

Eitt av málunum er at fáa tey ungu at tora at tosa um kynslig viðurskifti og at hjálpa vaksnum at møta teimum ungu har, sum tey eru.

Á tiltakinum verður eisini greitt frá nakinmyndum og hvussu mørk kunnu setast á netinum.

Umboð frá Løgregluni fara at vegleiða um, hvat føroyska lógin sigur, og hvussu borgarin fær vart seg fyri kynsligum ágangi á netinum.

Tiltakið er serliga ætlað næmingum úr 6. upp í 10. flokk.