- Tíðindi, mentan og ítróttur
Ravnur er í finaluni
Ravnur er í finaluni
Ravnur av Toftum hevur tryggjað sær, at teir koma at spæla við í FM-finaluni kurvabólti
05.03.2017 - 15:26
Við sigri á Hamar í landskappingardysti á Toftum, hevur Ravnur tryggjað sær pláss í FM-finaluni.
Hamar var á odda 18-21 í hálvleikinum, men heimaliðið svaraði aftur og endaði við at vinna dystin sannførandi, 46-35.
Toppskorari hjá Ravni bleiv Ernersto Ferrari við sekstan stigum. David Arge Galan bleiv toppskjútti fyri Hamar við átta stigum.
Enn hevur einki lið klárað at vunnið á Ravni í landskappingini, sum longu nú hevur tryggjað sær pláss í finaluni.
Tað er tó framvegis spenningur um, hvør fer at vinna sær annað plássið. Tað verður antin Hamar ella Sporðdrekin.
Komandi landskappingardysturin verður 11.mars á Toftum, tá Ravnur tekur ímóti Sporðdrekanum.
FM-finalan verður 13.mai
Er kopiera
Nýggjastu sendingar í ÚV
Nýggjastu sendingar í SV
