Nú kanst tú fylgja rákinum á telefonini

Nú kanst tú fylgja rákinum á telefonini
Rákið verður dagført 15. hvønn minutt, og tað ber til at síggja streymin kring Føroyar neyvari enn fyrr
Tað er ikki neyðugt at hava internetsamband fyri at nýta appina
 
10.08.2017 - 15:38

Fiskaaling hevur tikið stig til at menna eina app, sum nú er tøk á snildfon, har til ber at fylgja sjóvarfallinum kring oyggjarnar.

Rákið verður dagført 15. hvønn minutt. Við nýggju appini, sum eitur Rák, ber til at síggja streymin kring Føroyar neyvari enn fyrr, sigur Fiskaaling í tíðindaskrivi.  

Umframt til sigling, útróður og fiskiskap sum heild, er appin eisini hent hjá teimum, ið hava stuttleikabátar. Hon kann eisini nýtast til undirvísing av ymiskum slagi, ið hevur við sjógvin at gera.

Tá appin er fingin á snildfonina, er ikki neyðugt at hava internetsamband fyri at brúka hana.

Og tá hon verður latin upp, vísir appin eina mynd av Føroyum, sum yvirskipað vísir, hvussu rákið er júst tá.

Nýggj mynd hvørt korter

Nýggj mynd av rákinum verður síðani roknað fyri hvønn 15. minutt. Dagur og klokka síggjast niðast á skíggjanum.

Eisini ber til at fara inn í ein álmanakka, velja ein ávísan dag og so síggja rákið fyri hvørjar 15 minuttir fyri valda dagin.

 Menningin av nýggju appini er ein felags verkætlan millum Fiskaaling, sum hevur staðið fyri verkætlanarleiðslu og ráðgeving, Fróðskaparsetur Føroya, ið hevur veitt grunddáta, fyritøkuna Magnussen Technology, ið er tøkniligur ráðgevi, sniðgevi og forritari, og Statoil hevur veitt fíggjarligan stuðul til verkætlanina.

Appin, sum er ment til at virka á bæði Iphone og Android, kann heintast á heimasíðuni: www.rak.fo, har eisini ein vegleiðing er tøk.

Er kopiera
Nýggjastu sendingar í ÚV
Fríggjadag 25. juli
RagnarRokk: Alfio Annibalini um Stygian Waves
194129
Fríggjadag 25. juli
Morgunlestur fríggjadagur 25. juli 2025
194848
Hósdag 24. juli
Morgunlestur hósdagur 24. juli 2025
194847
Mikudag 23. juli
Sangir úr mínum lívi - Beinir
194884
Nýggjastu sendingar í SV
Fríggjadag 25. juli
Veðrið
194969
Hósdag 24. juli
Motorarnir og maðurin
194948
Mikudag 23. juli
Dagur og vika - teknmálstulkað
194872
Týsdag 22. juli
Veðrið
194844