Spenningur í bestu deildini hjá kvinnunum

Felagsliðið EB/Streymur/Skála vann 4-0 á ÍF/Víkingi, samstundis sum HB og KÍ spældu 1-1 í Gundadali í Havn.

Hetta hevur við sær, at EB/Streymur/Skála nú hevur 45 stig fyri 17 dystir. KÍ hevur 40 stig fyri 15 dystir, so KÍ kann endurvinna oddasessin, um tær vinna dystirnar, tær eiga til góðar. 

Hittast næstu ferð

Hinvegin hittast júst hesi bæði liðini, EB/Streymur/Skála og KÍ við Margáir í Streymnesi á seinasta leikdegi, so 20. leikumfar kann enda sum eitt satt finaluumfar.

Triðji dysturin í dag var millum árstalsfeløgini B36 og B68. Tann dysturin endaði 1-1.