Tveir tunlar til Suðuroynna bíligari enn ein

Tveir tunlar til Suðuroynna bíligari enn ein
Trygdarkrøvini gera, at bíligari er at lata Suðuroyartunnilin koma upp í Skúgvoynni. Tilsamans verður undirsjóvartunnilin yvir 26 kilometrar
Landsverk mælir til, at Skúgvoyggin verður knýtt upp í Suðuroyartunnilin.
 
05.09.2017 - 07:27

Tað verður bíligari at gera Suðuroyartunnilin í tveimum, tað er at lata hann koma upp í Skúgvoynni, tí trygdarkrøvini verða sett hvørjum tunli sær, tunlinum millum Sandoynna og Skúgvoynna og tunlinum millum Skúgvoynna og Suðuroynna.

Landsverk mælir tí til at gera tunnilin í tveimum.

Tunnilin verður 26,2 kilometrar langur, og hann er mettur at kosta 3,1 milliard krónur.  

Tunnilin millum Sandoynna og Skúgvoynna verður níggju kilometrar og 17,2 kilometrar eru millum Skúgvoynna og Suðuroynna.

Landsverk sigur, at í Sandoynni er høgligast at leggja tunnilsmunnan í grótbrotinum nærhendis Sandsbygd.

400 metrar millum munnarnar

Í Skúgvoynni verða munnarnir sunnan fyri bygdina, har tað verða okkurt um 400 metrar millum munnarnar og ein vegur til bygdina.

Í Suðuroynni kemur tunnilin upp í Sandvík. Ein nýggjur Sandvíkartunnil má tí eisini gerast.

Tunnilsmunnin í Hvalba til nýggja Sandvíkartunnilin verður vestan fyri bygdina, og ein nýggjur vegur verður gjørdur uttan um Hvalba, so tann nógva ferðslan ikki skal gjøgnum bygdina.

Milliónir til kanningar

Bæði Landsverk og Jarðfeingi mæla til, at jarðfrøðin, har sum tunnilin skal gerast, verður kannað.

Landsverk skjýtur tí upp at játta 3,7 mió. krónur yvir trý ár til hetta arbeiðið, frá tí at ásett verður at byrja upp á undirsjóvartunnilin til Suðuroynna.

Harafturat krevjast millum eina og tvær milliónir til at kanna trygdina. 
 

Er kopiera
Nýggjastu sendingar í ÚV
Sunnudag 6. oktober
Bolero 6. oktober
181696
Leygardag 5. oktober
Plátupanelið #021 (Break Up-plátur)
181685
Leygardag 5. oktober
Jambalaja - 051024
181682
Leygardag 5. oktober
Upp á tá - 041024
181681
Leygardag 5. oktober
Vikan - 5. oktober 2024
181672
Nýggjastu sendingar í SV
Fríggjadag 4. oktober
Dagur og vika - teknmálstulkað
181622
Fríggjadag 4. oktober
Veðrið
181647
Hósdag 3. oktober
Sært tú fuglin? II (1:2)
181586
Mikudag 2. oktober
Dagur og vika - teknmálstulkað
181510
Týsdag 1. oktober
Veðrið
181488