Nýggj mastur á Sornfelli

VHF-samskiftið hjá Tórshavn Radio verður nú lagt um. 

Tað merkir, at VHF, rás 26, og eisini AIS-móttøkan á Sornfelli eru óvirkin ein dag aftrat, sigur MRCC.

Arbeitt verður við at flyta antennurnar yvir í nýggju mastrina, og sendiútgerðin skal eisini flytast í onnur høli. 

Tað var jóladag í fjør, at størri kupilin á Sornfelli, sum hýsir radaranum hjá Naviair, hoknaði undan nógva vindinum, og radarin fekk skaða. 

Flogferðslan brúkar henda radaran.

Ein mastur, sum er 35 metrar høg, sum fleiri antennur eru festar í, fekk eisini skaða, og má skiftast. 

Gongst sum ætlað, verður arbeiðið liðugt seint í dag ella í morgin.

Sornfelli er ein av átta støðum hjá MRCC. 

Hinar eru Støðlafjall, Hesturin í Suðuroynni, støðin norðarlaga í Kalsoynni, Hálsurin eystan fyri Klaksvík, Eiðiskollur, Mykines og støðin í Fugloy.